كثير من الشعراء تطرقو لمدح ديارهم وهنا بعض الأبيات في مدح يبرين
يبرين داري ودار معربين الجـــدود
دار يصوت بها المري لاتاه الطريق
وهنا شاعر آخر يقول
أشهدٍ لي ديـــرةٍ وبها عـــــلامه
ضبع والجامور وخشوم الفرايد
وهنا شاعر آخر يقول
من ديرتي يبـــــرين ياجـــاهلها
اللي سكنها الفيصلي وأحزابه
يوم إنطلق منها يرد بـــــــــلاده
ماهوب سرد العــــالم الكـذابه
ويقول شاعرنا المعروف والمرحوم بإن الله
عامر بن نوطان ال جابر المري
جات الحمايا وسقنا الحـال والمالي
وسقنا المظاهير من يبـرين وتــرابه
خيلٍ تنازي بشــــيبان وجهــــــــالي
وحبل الرسن مايجــود فيه قضـــابه
وهنا يقول
طالت سنيني وعمـــري راح مجاني
والنـــاس بديـــارها والله رازقــــــــها
عندي قبــايل وعنــــدي موطن ثاني
تزبن اللي ثقـــــــيل الدين سايقـــها
لي موطن ما يضيع فيه عنـــــــواني
وأرض حــــدود المخطـط ما يضايقها
وهنا يقول
جعل الســـحاب اللي تكاشف بروقه
يمطر على الديرة ويسقي المحادير
وهنا يقول
قلبـــــــي حنـــــون للديار الجنـــــــوبيه
وطول البطا ما غيرت حبها الصــــــافي
ومبــداي في عــــرق تعنكــب ذواريــه
هو أحب من قصر بني قرب الاسيافي
وهنا يقول
داركم هي دراكم يا مزبنة الدخــــيل
عايشـــين في هــواها وفوق ترابها
الوطن ساس المعزة إلا بار العمــيل
لو تسام بغالي المال ما يصخــــابها
لو ملكها غيرنا وانتـــــوينا بالرحـــيل
وين نلقى غيـــــرها ديرة نرضى بها
وهنا قصيده للشاعر/حمد الجفين ال جابر المري
شــــوفة الدار من عقب أهلها
زاد قلبـــي همــوم وحسـايف
وأصبح القلـــب فيه الحــــزون
ديرةٍ كــــم ســــــــنافي نزلها
صلب جدي ذرى كل خــــــايف
ليتــــهم غـــــايبين ويجـــــــون
نــزعل اللــي يــــدور زعـلـــها
بــدلت فرحـــــته بالحســايف
نرغــب المــــوت ولا الغـــبون
ديرةٍ شــــــــاق عيني مثـــلها
بين ذيك الخشــوم النــــوايف
مارضـــــــــينا عليــــــها بهــون
دبــرت مابقــــى إلا سمــــلها
مثل قــــــــــومٍ نوو بالنكــايف
غـــــير تكفـــــون لاتذخــــرون
[center]
موضوع: كاول مشاركه مني للمنتدى تقبلو اهدائي البسيط 
الأحد سبتمبر 04, 2011 7:10 am
